2-3 dekabr 2023-cü il tarixlərində Azərbaycan Reanimatoloqlar və Anestezioloqlar Cəmiyyətinin təşkilatçılığı ilə Bakı şəhərində Birinci Milli Konqres keçirilb.

Konqresdə Avropa ölkələrinin, Türkiyə, Rusiya, Ukrayna və digər ölkələrin reanimasiya və anesteziologiya sahəsi üzrə aparıcı mütəxəssisləri təqdimatlarla çıxış ediblər. Konqresdə “Ürək cərrahiyyəsində hemodinamik monitorinq”, “Kəskin və xroniki ağrıların idarəedilməsi və reanimasion xəstələrin problemləri” və digər mövzularda məruzələr dinlənilib.

Məruzələrdə mürəkkəb cərrahiyyə əməliyyatlarının uğurlu nəticəsi həm də müasir anesteziologiyanın inkişafı ilə bilavasitə bağlı olması, pasiyentlərin intensiv terapiya nəticəsində qısa zamanda ayağa qalxması və sağlamlığına qovuşmasının anesteziologiya ilə əlaqəsi kimi məsələlər qeyd olunub, eyni zamanda təbabətin ən aktual problemləri barədə müzakirələr aparılıb.

Konqresin sonunda tədbir iştirakçılarına sertifikatlar təqdim olunub.